کۆچبەری نوێ لە ئایسلاند

زانيارى گشتى لەسەر ئايسلەند

• ئايسلەند دوورگەيە لە ئوقیانووسی ئەتلەسی و بەشێکە لە باکووری ئەوروپا.
• ئەم وڵاتە 103,000 کیلۆمەتری دووجایە، دانیشتووانەکەی نزیکەی 364,000کەسە (1 کانوونی دووەمی ساڵی 2020 ) .
• دانيشتوان لە درێژایی کەناردەريا دەژين، بەڵام کەسێک لە بەرزاییەکان ناژی.
• زۆربەي خەڵک لە هەرێمی ڕەیکیاڤیک دەژين.
• ڕەیکیاڤیک پايتەختى ئايسلەندە.
• ئايسلەند خاوەن چيا، کەنداوی تەنگەبەر، گەل و بیابانێکی زۆرە.
• هەروەها خاوەن سەهۆڵدانی سروشتی و تاڤگەیە بەڵام دارستانی کەمی هەیە.
• بەگشتی لە زستان بەفر دەبارێ و زستانەکان زۆر تاریکە – بەڵام هاوینەکان ڕووناکە.
• ئايسلەند لە ساڵی 1944ـەوە کۆمارى بووە
• هەڵبژاردن پەرلەمانى هەر 4 ساڵ بەڕێوە دەچێت. پاش هەڵبژاردن حکومەت پێک دەهێنرێت.
• ئايسلەند وڵاتێکی ئاشتيخوازە و هيچ سوپاىەکی نیشتیمانی نيە. .
• يەکسانى ڕەگەزی و مافی مرۆڤ لە ياسادا گونجێنراوە.
• ئايسلەند وڵاتێکی خۆشگوزەرانە. ئەمە واتای ئەمەیە کە خەڵک باجێکی تاڕادەیەک زۆر دەدەن لەسەر حەقدەستیان بەڵام لەبەرانبەردا خزمەتگوزاری جۆراوجۆر وەردەگرن.
• کۆمپانيا و تاکەکان ناچارن بۆ باج دان لەسەر داهاتەکەیان بە حکومەت.
• پيشەسازى ماسیگرتن و گەشتوگوزار لە پیشەسازییە گرنگەکانە لە ئايسلەند.
• کشتوکاڵ (گۆشت و سەوزە) بەرهەم دەهێنرێت و هەروەها گەورە وێستگەی بەرهەمهێنانی گەورەی کارەبا هەیە.
• زۆر خەڵک هەروەها لە ناو بەڕێوبەرايەتى حکوومی و خزمەتگوزارى، لە سيستەمی پەروەردەيى و سيستەمی تەندروستی کار دەکەن. پيشەسازى و خۆراک بەرهەمهێنان هەروەهابەشێکی سەرەکىیە لە بازاڕی کاری ئایسلەند. 

ناوەندی چەند کەلتووری و زانيارى 

• ناوەندی چەند کەلتووری و زانيارى دەکەوێتە Árnagata 2-4, 400 Ísafjörður.
• ماڵپەڕی ناوەندی چەند کەلتووری و زانيارى www.mcc.is
• لەوێ تۆ دەتوانی بە چەندین زمان زانیاری ورد و بەسوود وەرگری سەبارەت بە کۆچکردن بۆ ئایسلەند یان ژیان لەوی.
• بۆ زياتر زانيارى، پەیوەندی بکە بە ڕەقەم ژمارەی 4503090 يان بۆ ئيمەێل mcc@mcc.is
• ناوەندی چەند کەلتووری و زانيارى ڕێکخراوەیەکی گشتییە. ئامۆژگاری و ڕاوێژی دامەزراوە و شارەوانى لەسەرە , کە پێشوازيى پەنابەر يەکێک لە پڕۆژەکانی ئەم ناوەندەیە.