منداڵ بەخێوکردن

بەکارهێنانی تەلەفۆن و شاشە لەلایەن منداڵ و هەرزەکارەوە

• ئەمڕۆکە منداڵان لە ئاقارێکی پڕ لە ئامێری پێشکەوتوو و داهێنەرانەی تەکنەلۆجیادا گەورە دەبن. بە بەکارهێنانی ماقوڵانە لەم ئامێرانە دەتوانن بەشێک بن لە پەروەردەی باش.
• یەکەم ئەزموونەکانی منداڵان بە ئامێرە زیرەکەکان هەمیشە دەبێ بە ڕێنمایی باوان بێت و کاتی شاشەی منداڵان لە ئەستۆی باوانە.
• کاتی زۆر بۆ سەیرکردنی شاشە دەتوانێ کاریگەری نەرێنی هەبێت کە دەبێتە بەدیلێک بۆ چالاکی ئەرێنی، وەکوو مامەڵەکردن لە کۆمەڵگا، وەرزش، خەوی پێویست و شێوازی ژیانێکی تەندروست. سەیری ڕێنماییەکانی تایبەت بە کاتی نمایش بە گوێرە تەمەنی منداڵ بکە.
• www.heilsuvera.is/efnisflokkar/throskaferlid/uppeldi-barna/skjarinn-og-bornin

تا چ ماوەیەک منداڵ و هەرزەکارەکان ڕێگەپێدراون لەدەرەوە بمێننەوە

• ڕێساکانی ماوەی ڕێگەپێدراو بۆ مانەوەی منداڵ و هەرزەکاران لە دەرەوە:
  • منداڵانی ژێر 13 ساڵ نابێ پاش کاتژمێر 20:00 لەناو خەڵک دابن.
  • هەرزەکارانی 13 بۆ 16 ساڵان نابێ پاش کاتژمێر 22:00 لەناو خەڵک دابن، مەگەر ئەوەیکە پاش قوتابخانە، ڕووداوێکی تایبەت بە وەرزش و گەنجانەی ڕێگەپێدراو هەبێت.
  • لەماوەی لە 1ی ئایار تا 1ی ئەیلوول، هەردوو گرووپ ڕیگەپێدراون بە بوونیان لە دەوەی ماڵەوە بۆ دوو کاتژمێری تر (تا کاتژمێر 22:00 وتا نیوەشەو).
  • باوان مافی ئەوەیان هەیە کاتی چوونەدەرەوەی منداڵەکانیان کورت بکەنەوە. www.samanhopurinn.is

ئازادی منداڵان و هەرزەکاران

• زۆر ێک لەوانەی کە دەگوازنەوە بۆ ئایسلەند پێیان وایە کە منداڵان و هەرزەکاران لە ئایسلەند ئازادێکی زۆریان هەیە.
• منداڵان و هەرزەکاران بەگشتی بەبێ چاودێری لە دەرەوە یاری دەکەن و لەماوەی هاویندا، ئەوان زۆربەی کاتەکان تا ئێوارە لە دەرەوە دەمێننەوە.
• کۆمەڵگای ئایسلەند بەگشتی زۆر ئەمین دادەنرێت و بەهۆی کەمی جەماوەر، منداڵەکان زیاتر لە وڵاتانی تر توانیویانە بە تایبەتی بە تەنیایی لەگەڵ هاوڕییەکانیان گەشت بکەن بۆ شوێنەکانی دەوروبەریان.
• لەگەڵ ئەوەشدا، هەمیشە تەمەن و گەشەی منداڵان لەدەرەوەی ماڵەوە لەبەرچاو بگرن و سەلامەتیان مسۆگەر بکەن.
• بوونی سنوورێک بۆ منداڵان گرنگە، بۆ نموونە کاتی دیاریکراو کە قەرارە بێنەوە ماڵەوە، کاتی ئەنجامدانی واجبی ماڵەوە، کاتی خۆراک و کاتی خەوتن.

بەشداری لە چالاکییەکانی کاتی بێ ئیشی گرنگە  

• بەشداری لە چالاکییەکانی کاتی بێ ئیشی، بۆ نموونە وەرزش لە زۆر لایەن یارمەتی منداڵان و هەرزەکاران دەدات، بۆ نموونە:
  • بوون بە هاوڕێ.
  • فێربوون و مەشقکردنی زمانی ئایسلەندی.
  • بەدەستهێنانی ئەزموونی هاوبەش لەگەڵ هاوپۆلەکانی.
  • پەروەردەکردنی شارەزاییە نوێیەکان
• خاچی سوور و ڕێکخراوەکانی تر یارمەتی تر پێشکەش دەکەن بۆ چالاکییەکانی کاتی بێ ئیشی بۆ منداڵانی پەنابەران و/یان ئەو خێزانانەی کە داهاتیان کەمە. هەروەها دەتوانی لە ڕێگەی خاچی سوورەوە ڕێنمایەک و هاوڕێیەکی زمانی وەرگری. www.raudikrossinn.is/hvad-gerum-vid/folk-a-flotta/flottafolk
• ئەمە گرنگە کە هەست بکەیت تۆ بەشێکی لە کۆمەڵگایەک کە لەودا دەژی. ئەمە ڕوودەدات، بۆ نـموونە، بە بەشداریکردن لە هەمان شت هەروەک ئەوانى ديكە وە بەشێوەيەكى يەكسان مامەڵەى لەگەڵ كرێت.
• لە وەرزش یان چالاکییەکانی تری کاتی بێ ئیشی، شارەزایی لە زمانی ئایسلەندی بە ڕێژەی قوتابخانە و زمانزانیی تاقی ناکرێتەوە. هەر بۆیە منداڵان و هەرزەکاران بە بەشداری لە وەها چالاکییەک دەرفەتیان هەیە کە لە سەرەتای ژیان لە ئایسلەند بگەشێنەوە.